சந்தியா காலம்
1 சரியாகச் சொன்னால் பூந்தமல்லியிலிருந்து ஸ்ரீபெரும்புதூருக்கு அந்த வளைவு வழியாகத்தான் உள்நுழைய முடியும். அதுவொரு முச்சந்தி வளைவு . நைட் ஷிப்ட் செல்ல கம்பெனி வேனுக்காகக் காத்துக்கொண்டிருந்த பவித்ராவை தனியார் லோடு வண்டி ஒன்று மோதித் தள்ளியதும், மனிதநேயம் சிறிதும் இல்லாதவனாய் அந்த டிரைவர் வாகனத்தை நிறுத்தாமல் சென்றதும், ரத்த வெள்ளத்தில் அவள் கிடந்து தவித்ததும் அந்த முச்சந்தி வளைவில்தான். பூந்தமல்லி அரசு மருத்துவமனையில் சேர்க்கப்பட்டவளை, கழுத்தில் மாட்டியிருந்த ஐடி கார்டு அவள் யாரென்று அடையாளம் காட்டியதில் உரியவர்களுக்குத் தகவல் தெரிவிக்கப்பட்டது. செகண்ட் ஷிப்ட்பில் இருந்த கீர்த்தனாவுக்கு விஷயம் தெரிந்ததும் மருத்துவமனைக்குள் இருந்தாள். ஐசியூ அறை முகப்பில் போடப்பட்டிருந்த சேரொன்றில...
